ది ట్రైటర్స్ తెలుగు: రూ.కోటి కోసం పోటీ పడుతున్న 20 మంది ఎవరో తెలుసా?

టాలీవుడ్ యంగ్ హీరో తేజ సజ్జ హోస్ట్‌గా డిజిటల్ స్పేస్‌లోకి అడుగుపెడుతున్న రియాలిటీ షో ది ట్రైటర్స్ తెలుగు. ప్రపంచవ్యాప్తంగా ఆదరణ పొందిన ఇంటర్నేషనల్ రియాలిటీ ఫార్మాట్ ఆధారంగా ఈ షోను ప్రైమ్ వీడియో రూపొందించింది. ఇప్పటికే విడుదలైన ట్రైలర్ ప్రేక్షకుల్లో ఆసక్తిని పెంచుతోంది. హిందీ వెర్షన్ విజయవంతమైన తర్వాత తెలుగు నేటివిటీకి అనుగుణంగా ఈ షోను రూపొందించారు. అక్టోబర్ 15 నుంచి స్ట్రీమింగ్ కానున్న ఈ షో మొత్తం 10 ఎపిసోడ్లుగా సాగనుంది.

ఈ గేమ్‌లో చిన్మయి శ్రీపాద, హర్షవర్ధన్, ప్రగతి మహావాది, విష్ణు ఓయ్, విద్యుల్లేఖా రామన్, నిఖిల్ విజయేంద్ర సింహ, శ్రీదేవి చౌదరి, శ్రావ్య వర్మ, డాక్టర్ మేఘనాథ్ రెడ్డి, మౌనీషా చౌదరి, స్వీకార్ అగస్తి, ఆషికా పదుకోన్, వర్ష డిసౌజా, ప్రణవ్, ఎస్ఎస్ వర్ధన్, రహత్ అచంట, గౌరవ్ సునీల్, సాయి రోనక్, పుప్పాల ధనంజయ్, ఫల్గుణి బంగేరా పాల్గొంటున్నారు. వీరిని ఇన్నోసెంట్స్, ట్రైటర్స్ అనే రెండు గ్రూపులుగా విభజిస్తారు. సీక్రెట్‌గా ఉండే ట్రైటర్స్‌ను ఇన్నోసెంట్స్ గుర్తించడమే ప్రధాన లక్ష్యం. ఒకరిపై ఒకరు నమ్మకం ఉంచడం, అనుమానించడం, వెన్నుపోటు పొడవడం, నామినేషన్లు, సైకలాజికల్ మైండ్ గేమ్స్ వంటి అంశాలు షోలో ఉత్కంఠను పెంచనున్నాయి.