కోమటిరెడ్డి రాజగోపాల్‌రెడ్డి కీలక వ్యాఖ్యలు

కాంగ్రెస్ ఎమ్మెల్యే కోమటిరెడ్డి రాజగోపాల్‌రెడ్డి మంత్రి పదవిపై కీలక వ్యాఖ్యలు చేశారు. తనకు పదవులు అడుక్కోవడం తెలియదని, ప్రజల కోసం పోరాడటమే తనకు తెలుసని అన్నారు. తాను రాజీనామా చేసి ఉప ఎన్నికకు వెళ్లిన సమయంలో తన నియోజకవర్గానికి 100 మంది ఎమ్మెల్యేలు వచ్చారని గుర్తుచేశారు. తనకు పదవి విషయంలో ఎవరి సిఫారసులు అవసరం లేదని స్పష్టం చేశారు.

కోమటిరెడ్డి వెంకట్‌రెడ్డితో తనకు మంత్రి పదవి విషయంలో ఎలాంటి సంబంధం లేదని రాజగోపాల్‌రెడ్డి తెలిపారు. ఇద్దరూ సోదరులైనా తమ కుటుంబాలు వేరని పేర్కొన్నారు. అధిష్ఠానం హామీ ఇచ్చిన వారికి మంత్రి పదవులు వచ్చాయని, తనకు మాత్రమే మంత్రి పదవి దక్కలేదని అన్నారు. తన రాజకీయ ప్రయాణం ప్రజల కోసం కొనసాగుతుందని స్పష్టం చేశారు.