బిగ్ బాస్ తెలుగు సీజన్ 10 లాంచ్ డేట్ ఫిక్స్

తెలుగు బుల్లితెరపై అత్యంత ప్రజాదరణ పొందిన రియాలిటీ షోల్లో బిగ్ బాస్ ఒకటి. తొమ్మిది సీజన్లను విజయవంతంగా పూర్తి చేసుకున్న ఈ షో ఇప్పుడు 10వ సీజన్‌తో ప్రేక్షకులను అలరించేందుకు సిద్ధమవుతోంది. ఈ సీజన్‌కు కూడా కింగ్ నాగార్జున హోస్ట్‌గా వ్యవహరించనున్నారు. దీంతో కొత్త సీజన్‌పై ప్రేక్షకుల్లో ఆసక్తి మరింత పెరిగింది.

నాగార్జున పుట్టినరోజు సందర్భంగా మేకర్స్ ప్రత్యేక ప్రోమోను విడుదల చేసి సీజన్ 10 ప్రారంభ తేదీలను ప్రకటించారు. సెప్టెంబర్ 6, 7 తేదీల్లో కర్టెన్ రైజర్ ఎపిసోడ్‌తో కొత్త సీజన్ ప్రారంభం కానుంది. సీజన్ 10 ప్రత్యేకతకు తగ్గట్టుగా 10 రెట్లు సర్ప్రైజ్‌లు, 10 రెట్లు డ్రామా, 10 రెట్లు ఛాలెంజ్‌లు ఉంటాయని మేకర్స్ హామీ ఇస్తున్నారు. ఈ ప్రకటనతో బిగ్ బాస్ అభిమానుల్లో సందడి మొదలైంది.