రియాల్టీ షోలోకి శుభ్‌మన్ గిల్ సోదరి

భారత టెస్టు, వన్డే జట్టు కెప్టెన్ శుభ్‌మన్ గిల్ సోదరి షహనీల్ గిల్ రియాల్టీ షోలోకి అడుగుపెడుతోంది. సోషల్ మీడియా కంటెంట్ క్రియేటర్‌గా గుర్తింపు పొందిన ఆమె అమెజాన్ ప్రైమ్ వీడియోలో ప్రసారం కానున్న ‘ద ట్రైటర్స్’ సీజన్-2లో పాల్గొంటోంది. షో ప్రారంభ కార్యక్రమంలో ఆమె చెప్పిన “మై నేమ్ ఈజ్ గిల్... ఐ నో హౌ టు కిల్” అనే డైలాగ్ సోషల్ మీడియాలో వైరల్‌గా మారింది.

బాలీవుడ్ నిర్మాత కరణ్ జోహార్ హోస్ట్‌గా వ్యవహరిస్తున్న ఈ షో ఆగస్టు 13 నుంచి ప్రపంచవ్యాప్తంగా స్ట్రీమింగ్ కానుంది. అంతర్జాతీయంగా విజయవంతమైన ‘ది ట్రైటర్స్’కు ఇది భారతీయ వెర్షన్. ఈ సీజన్‌లో మల్లికా షెరావత్, మునావర్ ఫరూఖి, రియా చక్రవర్తి, క్రిస్టల్ డిసౌజా, పరుల్ గులాటి, దలిప్ తాహిల్ తదితరులు పాల్గొంటుండగా, షహ్నీల్ గిల్ ఎంట్రీపై అభిమానుల్లో ఆసక్తి నెలకొంది.