ఎంబాపె మెరుపులు.. సెనెగల్‌పై ఫ్రాన్స్ ఘన విజయం

ఫిఫా ప్రపంచకప్ టైటిల్ ఫేవరెట్‌లలో ఒకటైన ఫ్రాన్స్ తన ప్రచారాన్ని విజయంతో ప్రారంభించింది. గ్రూప్-ఐలో భాగంగా జరిగిన మ్యాచ్‌లో సెనెగల్‌ను 3-1 తేడాతో ఓడించింది. స్టార్ ఆటగాడు ఎంబాపె అద్భుత ప్రదర్శనతో రెండు గోల్స్ సాధించి జట్టు విజయంలో కీలక పాత్ర పోషించాడు. అంతేకాకుండా ఫ్రాన్స్ తరఫున అత్యధిక గోల్స్ చేసిన ఆటగాడిగా కొత్త రికార్డు కూడా నెలకొల్పాడు. తొలి అర్ధభాగంలో ఇరు జట్లు గట్టిగా పోరాడినా గోల్ నమోదు కాలేదు.

రెండో అర్ధభాగంలో ఎంబాపె తన ప్రతిభను చాటాడు. 66వ నిమిషంలో తొలి గోల్ సాధించగా, 82వ నిమిషంలో బ్రాడ్లీ బార్కోలా మరో గోల్ కొట్టి ఫ్రాన్స్ ఆధిక్యాన్ని 2-0కి పెంచాడు. అదనపు సమయంలో ఇబ్రహీం ఎంబాయె గోల్ చేయడంతో సెనెగల్ ఆశలు రేకెత్తించినా, వెంటనే ఎంబాపె 30 మీటర్ల దూరం నుంచి అద్భుత గోల్ కొట్టి మ్యాచ్‌ను ఫ్రాన్స్ ఖాతాలో వేసాడు. మ్యాచ్ మొత్తంలో ఫ్రాన్స్ ఎనిమిది షాట్లు లక్ష్యాన్ని తాకగా, సెనెగల్ కేవలం రెండు సార్లు మాత్రమే గోల్‌పోస్ట్‌ను పరీక్షించింది.