డీఆర్ కాంగో అద్భుతం.. ప్రపంచకప్‌లో కొత్త చరిత్ర

డెమొక్రాటిక్ రిపబ్లిక్ ఆఫ్ కాంగో ఫిఫా ప్రపంచకప్‌లో చరిత్ర సృష్టించింది. 52 ఏళ్ల నిరీక్షణకు ముగింపు పలుకుతూ తమ తొలి ప్రపంచకప్ విజయాన్ని నమోదు చేసింది. ఉజ్బెకిస్థాన్‌పై 3-1 తేడాతో గెలిచి తొలిసారి రౌండ్ ఆఫ్ 32 నాకౌట్ దశకు అర్హత సాధించింది.

మ్యాచ్‌లో తొలుత గోల్ ఇచ్చినప్పటికీ కాంగో అద్భుతంగా పుంజుకుంది. 68వ నిమిషంలో పెనాల్టీ ద్వారా యోవానే విస్సా సమం చేశాడు. 78వ నిమిషంలో ఫిస్టన్ మాయేలే గోల్ చేసి ఆధిక్యం అందించగా, ఇంజూరీ టైమ్‌లో విస్సా మరో గోల్‌తో విజయాన్ని ఖాయం చేశాడు. ఈ విజయంతో కాంగో నాకౌట్‌కు చేరి ఇంగ్లాండ్‌తో తలపడనుంది.