భారత్‌లోకి ఒప్పో కొత్త ఫ్లాగ్‌షిప్ ఫోన్లు.. త్వరలో లాంచ్

ఒప్పో తన ప్రీమియం Find X10 స్మార్ట్‌ఫోన్ సిరీస్‌ను అక్టోబర్ 22, 2026న భారత మార్కెట్లో విడుదల చేయనుంది. ఈ సిరీస్‌తో పాటు OPPO Enco X4 వైర్‌లెస్ ఇయర్‌బడ్స్, OPPO Pad Mini Matte Display Editionను కూడా పరిచయం చేయనుంది. హ్యాసెల్‌బ్లాడ్‌తో కొనసాగుతున్న భాగస్వామ్యంలో భాగంగా Find X10 సిరీస్‌లో ట్రిపుల్ 200MP కెమెరా సిస్టమ్‌ను అందించనున్నట్లు కంపెనీ వెల్లడించింది. Find X10 Pro Maxలోనూ ఇదే కెమెరా సెటప్ ఉండనున్నట్లు తెలిపింది. ఫోన్ కెమెరా మాడ్యూల్‌కు అమర్చుకునేలా రూపొందించిన OPPO Hasselblad Teleconverter యాక్సెసరీ కూడా మొబైల్ ఫొటోగ్రఫీకి అదనపు సామర్థ్యాలను అందించనుంది. ఈ స్మార్ట్‌ఫోన్ సిరీస్ ColorOS 17పై పనిచేయనుంది.

OPPO Pad Mini Matte Display Editionలో Qualcomm Snapdragon 8 Gen 5 ప్లాట్‌ఫామ్, 8.8 అంగుళాల 2.5K OLED Eye-Comfort Matte డిస్‌ప్లే, 144Hz రిఫ్రెష్ రేట్, 8,000mAh బ్యాటరీ ఉండనున్నాయి. స్క్రీన్‌పై ప్రతిబింబాలు, గ్లేర్‌ను తగ్గించేలా మ్యాట్ డిస్‌ప్లేను రూపొందించారు. స్టైలస్‌తో రాయడం, స్కెచ్‌లు వేయడం సులభమయ్యేలా ప్రత్యేక ఫినిష్‌ను అందించనున్నారు. Enco X4 ఇయర్‌బడ్స్‌లో డ్యూయల్ డైనమిక్ డ్రైవర్లు, డ్యూయల్ DACలు, Dynaudio ఆడియో ట్యూనింగ్, AI ఆధారిత రియల్ టైమ్ అడాప్టివ్ యాక్టివ్ నాయిస్ క్యాన్సిలేషన్ ఫీచర్లు ఉంటాయి. మరోవైపు, ఒప్పో అధికారిక ఆన్‌లైన్ స్టోర్‌లో రూ.9 ప్రివిలేజ్ ప్యాక్‌ను అందుబాటులోకి తెచ్చింది. అర్హత కలిగిన కొనుగోలుదారులకు ప్రీమియం గిఫ్ట్ బాక్స్‌లు, డిస్కౌంట్ కూపన్లు, మొదటి 50 మంది అర్హులైన కస్టమర్లకు ఉచిత OPPO Pad SE పొందే అవకాశం ఉంది. ఈ ప్రయోజనాలు కంపెనీ ప్రకటించిన గడువులు, నిబంధనలకు లోబడి ఉంటాయి.