సినిమాలు
1, జులై 2026, బుధవారం
ఇండిగో పేరిట విమానాలను నడిపే ఇంటర్గ్లోబ్ ఏవియేషన్ తక్కువ లగేజీతో ప్రయాణించే వారికి ‘ఇండిగో లైట్’ అనే కొత్త ఫేర్ విధానాన్ని ప్రవేశపెట్టింది. కేవలం క్యాబిన్ బ్యాగ్తో ప్రయాణించే వారికి తక్కువ ధరలో టికెట్లు అందుబాటులో ఉంటాయి. ఈ విధానం దేశీయ, అంతర్జాతీయ డైరెక్ట్ ఫ్లైట్లకు వర్తించనుంది. సాధారణ ఎకానమీ టికెట్లతో పోలిస్తే ధరలు తక్కువగా ఉండటం దీని ప్రత్యేకత.
ఇండిగో లైట్ కింద 7 కేజీల వరకు క్యాబిన్ బ్యాగ్ మాత్రమే అనుమతిస్తారు. అదనపు ఛార్జీలు లేకుండా ఆటోమేటిక్గా సీటు కేటాయిస్తారు. ప్రయాణికులు పొందే సేవలకు మాత్రమే చెల్లించే విధంగా ఈ ఫేర్ రూపొందించబడింది. బుకింగ్లు ఇండిగో యాప్, వెబ్సైట్ ద్వారా మాత్రమే అందుబాటులో ఉంటాయి. ఇదే తరహాలో ఎయిరిండియా ఎక్స్ప్రెస్ కూడా ‘ఎయిరిండియా లైట్’ సేవను అందిస్తోంది. ఇండిగో రోజుకు సుమారు 2100 విమాన సర్వీసులను నిర్వహిస్తోంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!