క్రూడ్‌ ధరలు తగ్గడంతో బలపడిన రూపాయి

అంతర్జాతీయ మార్కెట్‌లో ముడి చమురు ధరలు స్వల్పంగా తగ్గడం, దేశీయ ఈక్విటీ మార్కెట్లలో సానుకూల వాతావరణం నేపథ్యంలో భారత రూపాయి సోమవారం ప్రారంభ ట్రేడింగ్‌లో బలపడింది. ఇంటర్‌బ్యాంక్‌ ఫారిన్‌ ఎక్స్ఛేంజ్‌ మార్కెట్‌లో డాలర్‌తో పోలిస్తే రూపాయి రూ.95.86 వద్ద ప్రారంభమై, అనంతరం 24 పైసలు పుంజుకుని రూ.95.72 స్థాయిని తాకింది. శుక్రవారం ట్రేడింగ్‌లో రూపాయి రూ.95.96 వద్ద ముగిసింది.

దేశీయ స్టాక్‌ మార్కెట్లలో లాభాలు, విదేశీ పెట్టుబడులపై మెరుగైన సెంటిమెంట్‌ రూపాయికి మద్దతుగా నిలిచినప్పటికీ, చమురు దిగుమతిదారుల నుంచి డాలర్‌కు కొనసాగుతున్న డిమాండ్‌, అంతర్జాతీయంగా బలంగా ఉన్న డాలర్‌ సూచీ రూపాయి మరింత పుంజుకోవడానికి అడ్డంకిగా మారుతున్నాయి. సోమవారం బ్రెంట్‌ క్రూడ్‌ ధర 2 శాతానికి పైగా తగ్గి బ్యారెల్‌కు సుమారు 101.7 డాలర్ల వద్ద ట్రేడవడం రూపాయికి కొంత ఊరటనిచ్చింది. ఇక రానున్న రోజుల్లో క్రూడ్‌ ధరలు, విదేశీ పెట్టుబడుల ప్రవాహాలు, అంతర్జాతీయ ఆర్థిక గణాంకాలు రూపాయి కదలికలకు కీలకంగా మారనున్నాయి.