

ఒడిశా నుంచి హైదరాబాద్కు గంజాయి తరలిస్తున్నారనే ఆరోపణలతో ముగ్గురు నిందితులను మల్కాజిగిరి పోలీసులు అరెస్ట్ చేశారు. ఎస్వోటీ ఉప్పల్ జోన్, నాచారం పోలీసులు సంయుక్తంగా నిర్వహించిన ఆపరేషన్లో ఈ అక్రమ రవాణా వ్యవహారం వెలుగులోకి వచ్చింది. ఈ సందర్భంగా సుమారు రూ.30 లక్షల విలువైన 60.380 కిలోల గంజాయిని పోలీసులు స్వాధీనం చేసుకున్నారు. ఈ కేసులో ముగ్గురిని అదుపులోకి తీసుకుని విచారిస్తున్నారు.
పోలీసుల ప్రాథమిక విచారణ ప్రకారం.. నిందితులు ఒడిశాలో తక్కువ ధరకు గంజాయిని కొనుగోలు చేసి హైదరాబాద్, ముంబయిలో అధిక ధరలకు విక్రయించాలని ప్రణాళిక వేసినట్లు తెలుస్తోంది. వారి నుంచి ఒక కారు, నాలుగు సెల్ఫోన్లను కూడా పోలీసులు స్వాధీనం చేసుకున్నారు. ఈ వ్యవహారంలో ప్రధాన నిందితుడిగా భావిస్తున్న రాహుల్ ప్రస్తుతం పరారీలో ఉన్నట్లు పోలీసులు తెలిపారు. అతడి కోసం గాలింపు చర్యలు కొనసాగుతున్నాయి.

















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!