ఎయిర్‌పోర్టులో ఏపీ రాజకీయ నాయకుడితో అల్లు అర్జున్‌ స్పెషల్‌ మూమెంట్‌

ఐకాన్‌ స్టార్‌ అల్లు అర్జున్‌ హైదరాబాద్‌లోని రాజీవ్‌ గాంధీ అంతర్జాతీయ విమానాశ్రయంలో కనిపించారు. అక్కడ ఆంధ్రప్రదేశ్‌ రాజకీయ నాయకుడు రఘురామకృష్ణ రాజుతో ఆయన ఎదురుపడ్డారు. ఈ సందర్భంగా ఇద్దరూ కొద్దిసేపు సరదాగా ముచ్చటించుకున్నారు. పూర్తిగా నలుపు రంగు దుస్తుల్లో కనిపించిన అల్లు అర్జున్‌ స్టైలిష్‌గా, ఆకట్టుకునే లుక్‌లో కనిపించారు. వీరిద్దరూ కలిసి దిగిన ఫొటో ప్రస్తుతం సోషల్‌ మీడియాలో వైరల్‌గా మారింది.

ఇక సినిమాల విషయానికొస్తే అల్లు అర్జున్‌ ప్రస్తుతం అట్లీ దర్శకత్వంలో తెరకెక్కుతున్న ఫాంటసీ యాక్షన్‌ డ్రామా ‘రాకా’లో నటిస్తున్నారు. సన్‌ పిక్చర్స్‌ బ్యానర్‌పై కళానిధి మారన్‌ ఈ చిత్రాన్ని నిర్మిస్తున్నారు. దీపికా పదుకొణె కథానాయికగా నటిస్తున్న ఈ సినిమాపై ఇప్పటికే ప్రేక్షకుల్లో ఆసక్తి నెలకొంది. ఈ చిత్రానికి సంబంధించిన మరిన్ని అప్‌డేట్స్‌ కోసం అభిమానులు ఆసక్తిగా ఎదురుచూస్తున్నారు.