రైతుల కోసం సీఎం విజయ్ సంచలన నిర్ణయం

రైతులకు భారీ ఊరట కలిగించే నిర్ణయం తీసుకుంటూ ముఖ్యమంత్రి విజయ్ వ్యవసాయ రుణమాఫీ పథకాన్ని ప్రకటించారు. సహకార రంగంలో తీసుకున్న వ్యవసాయ రుణాల్లో రూ.75,000 వరకు మాఫీ చేయాలని ప్రభుత్వం నిర్ణయించింది. ఈ నిర్ణయంతో రాష్ట్రవ్యాప్తంగా సుమారు 14.43 లక్షల మంది రైతులు లబ్ధి పొందనున్నారు. వ్యవసాయ రంగానికి ఆర్థిక బలం చేకూర్చడమే ఈ నిర్ణయ ప్రధాన ఉద్దేశ్యంగా ప్రభుత్వం పేర్కొంది.

రుణమాఫీ అమలుతో ప్రభుత్వంపై సుమారు రూ.5,932 కోట్ల ఆర్థిక భారం పడనుంది. అయినప్పటికీ రైతుల ఆర్థిక పరిస్థితిని మెరుగుపరచడం, గ్రామీణ ఆర్థిక వ్యవస్థకు ఊతమివ్వడం, వ్యవసాయ ఉత్పాదకతను పెంచడం కోసం ఈ నిర్ణయం తీసుకున్నట్లు ప్రభుత్వం తెలిపింది. రైతు సంఘాలు ఈ ప్రకటనను స్వాగతిస్తున్నాయి.