

హైదరాబాద్లోని కొన్ని ప్రాంతాల్లో బాంబు దాడులు జరిగే అవకాశం ఉందంటూ బెదిరింపు ఈమెయిల్ రావడంతో నగర పోలీసులు అప్రమత్తమయ్యారు. ముందస్తు జాగ్రత్త చర్యల్లో భాగంగా అనుమానిత ప్రాంతాల్లో యాంటీ సబోటేజ్ తనిఖీలు చేపట్టారు. ప్రజల భద్రతను దృష్టిలో ఉంచుకుని ఆయా ప్రాంతాల్లో పోలీసుల నిఘా, బహిరంగ పోలీసింగ్ను మరింత పెంచారు. ఎలాంటి అవాంఛనీయ ఘటనలు జరగకుండా అవసరమైన చర్యలు తీసుకుంటున్నారు.
మరోవైపు, బెదిరింపు ఈమెయిల్ పంపిన వ్యక్తులను గుర్తించి వారి ఆచూకీ తెలుసుకునేందుకు సైబర్ క్రైమ్ పోలీసులు దర్యాప్తు చేస్తున్నారు. ఈ నేపథ్యంలో ప్రజలు వదంతులను నమ్మవద్దని, వాటిని ఇతరులకు వ్యాప్తి చేయవద్దని హైదరాబాద్ పోలీసులు విజ్ఞప్తి చేశారు. ప్రశాంతంగా ఉండాలని సూచించారు. ఎవరైనా అనుమానాస్పద వ్యక్తులు లేదా నిర్లక్ష్యంగా వదిలివేసిన వస్తువులు కనిపిస్తే వెంటనే 112కు ఫోన్ చేసి పోలీసులకు సమాచారం అందించాలని కోరారు. ప్రజల భద్రత కోసం పోలీసులు 24 గంటలూ అందుబాటులో ఉంటారని స్పష్టం చేశారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!