చండీగఢ్‌లో ఉగ్ర కుట్ర భగ్నం.. ముగ్గురు అరెస్ట్

చండీగఢ్‌లో అనుమానిత ఉగ్ర కుట్రను పోలీసులు భగ్నం చేసినట్లు సమాచారం. ఈ కేసుకు సంబంధించి ముగ్గురిని అరెస్ట్ చేసిన అధికారులు.. వారి వద్ద నుంచి ఐఈడీతో పాటు పలు ఆయుధాలను స్వాధీనం చేసుకున్నట్లు తెలుస్తోంది.

ఈ ఘటనపై సెక్టార్‌-36 పోలీస్‌ స్టేషన్‌లో ఎఫ్‌ఐఆర్‌ నమోదు చేశారు. అరెస్టయిన వ్యక్తుల కదలికలు, వారి సంబంధాలు, కుట్ర వెనుక ఉద్దేశం తదితర అంశాలపై పోలీసులు దర్యాప్తు చేస్తున్నారు. ప్రాథమిక విచారణలో కీలక ఆధారాలు లభించినట్లు సమాచారం.

చండీగఢ్‌లో ఉగ్రదాడికి వీరు ప్రణాళిక రూపొందించారా? ఐఈడీ, ఆయుధాలను ఎక్కడి నుంచి సేకరించారు? వారి వెనుక మరెవరైనా ఉన్నారా? అనే కోణాల్లో దర్యాప్తు కొనసాగుతోంది. విచారణ పూర్తయిన తర్వాత కుట్రకు సంబంధించిన మరిన్ని వివరాలు వెల్లడయ్యే అవకాశం ఉంది.