అర్నబ్ తుఫాన్ ప్రభావిత ప్రాంతాల్లో రెండు రోజుల పాటు సీఎం చంద్రబాబు పర్యటన

ఆంధ్రప్రదేశ్ ముఖ్యమంత్రి చంద్రబాబు నాయుడు నేటి నుంచి అర్నబ్ తుఫాన్ ప్రభావిత ప్రాంతాల్లో రెండు రోజుల పాటు క్షేత్రస్థాయి పర్యటన చేపట్టనున్నారు. ఇందులో భాగంగా కోనసీమ జిల్లాలో పర్యటించి తుఫాన్ కారణంగా జరిగిన నష్టాన్ని పరిశీలించడంతో పాటు, ప్రభుత్వం చేపడుతున్న సహాయక, పునరావాస చర్యలను సమీక్షించనున్నారు. బాధితులు, రైతులతో నేరుగా మాట్లాడి వారి సమస్యలను తెలుసుకోనున్నారు.

పర్యటన షెడ్యూల్ ప్రకారం, మధ్యాహ్నం 12:10 గంటలకు ఉండవల్లి నుంచి బయల్దేరనున్న చంద్రబాబు, 12:55 గంటలకు చెయ్యేరుకు చేరుకోనున్నారు. అనంతరం వెట్లపాలెంలో రైతులతో మాట్లాడతారు. గచ్చకాయలపోరా పునరావాస కేంద్రాన్ని సందర్శించి తుఫాన్ బాధితులతో మాట్లాడి వారి ఇబ్బందులను తెలుసుకోనున్నారు. క్షేత్రస్థాయిలో తుఫాన్ నష్టం, సహాయక చర్యలను పరిశీలించిన అనంతరం మధ్యాహ్నం 2:35 గంటలకు మీడియాతో మాట్లాడనున్నారు.