కేంద్ర హోం శాఖ మంత్రి అమిత్ షాతో ముఖ్యమంత్రి చంద్రబాబు సమావేశం

రెండు రోజుల ఢిల్లీ పర్యటనలో ఉన్న ఆంధ్రప్రదేశ్ ముఖ్యమంత్రి చంద్రబాబు నాయుడు కేంద్ర హోం శాఖ మంత్రి అమిత్ షాతో భేటీ అయ్యారు. రాష్ట్రానికి సంబంధించిన పెండింగ్ అంశాలపై ఇరువురు చర్చించారు. దక్షిణాది రాష్ట్రాల జోనల్ కౌన్సిల్ సమావేశంలో చర్చకు వచ్చిన వివిధ అంశాలను కూడా ఈ సమావేశంలో ప్రస్తావించారు.

దక్షిణాది రాష్ట్రాల జోనల్ కౌన్సిల్ సమావేశంలో గోదావరి–కావేరి నదుల అనుసంధానంపై చర్చించినట్లు సీఎం చంద్రబాబు తెలిపారు. ఈ ప్రాజెక్టును ముందుకు తీసుకెళ్లేందుకు కేంద్రం చొరవ చూపాలని అమిత్ షాను కోరారు. రాష్ట్రానికి సంబంధించిన ఇతర పెండింగ్ అంశాలపైనా కేంద్ర హోం మంత్రితో సీఎం చర్చించినట్లు సమాచారం.