ప్రజ్ఞానందకు సీఎం రేవంత్ రెడ్డి అభినందనలు...

అమెరికాలోని సెయింట్ లూయిస్‌లో జరిగిన గ్రాండ్ చెస్ టూర్ టైటిల్‌ను సొంతం చేసుకున్న భారత చెస్ గ్రాండ్‌మాస్టర్ ఆర్. ప్రజ్ఞానందకు తెలంగాణ ముఖ్యమంత్రి ఎ. రేవంత్ రెడ్డి అభినందనలు తెలిపారు. అంతర్జాతీయ వేదికపై మరోసారి భారత సత్తాను చాటుతూ దేశ ఖ్యాతిని ప్రపంచానికి పరిచయం చేసిన ప్రజ్ఞానంద విజయం ప్రతి భారతీయుడు గర్వించదగ్గ విషయమని సీఎం కొనియాడారు.

ప్రజ్ఞానంద సాధించిన ఈ విజయం క్రీడాకారులతో పాటు దేశంలోని యువతకు స్ఫూర్తిదాయకంగా నిలుస్తుందని రేవంత్ రెడ్డి పేర్కొన్నారు. భవిష్యత్తులో ప్రజ్ఞానంద మరెన్నో అద్భుతమైన విజయాలు సాధించి, దేశానికి మరింత కీర్తి తీసుకురావాలని సీఎం ఆకాంక్షించారు.