క్రెడాయ్ ప్రతినిధులు–మంత్రి నారాయణ భేటీ

క్రెడాయ్ ఆంధ్రప్రదేశ్ ప్రతినిధులు మున్సిపల్ శాఖ మంత్రి నారాయణను కలుసుకుని భవన నిర్మాణ అనుమతుల నిబంధనలను సరళీకరించినందుకు అభినందించారు. నిర్మాణ అనుమతుల ప్రక్రియను సులభతరం చేసే చర్యలు రియల్ ఎస్టేట్ రంగానికి ఎంతో ఉపయోగకరంగా ఉంటాయని వారు పేర్కొన్నారు. ఈ మార్పులు పారదర్శకతను పెంచడంతో పాటు అభివృద్ధికి దోహదపడతాయని అభిప్రాయపడ్డారు.

జీవో నెం.161తో రియల్ ఎస్టేట్ రంగానికి మంచి ఊతం లభించిందని క్రెడాయ్ ప్రతినిధులు తెలిపారు. సెల్ఫ్ డిక్లరేషన్ విధానం, సెట్‌బ్యాక్ నిబంధనల సడలింపులను వారు స్వాగతించారు. ఇవి ప్రాజెక్టుల వేగవంతమైన అమలుకు సహాయపడతాయని చెప్పారు. అలాగే తిరుపతి, రాజమండ్రిలో జరగనున్న క్రెడాయ్ ఎక్స్‌పో కార్యక్రమాలకు ముఖ్య అతిథిగా హాజరుకావాలని మంత్రి నారాయణను ఆహ్వానించారు.