వైట్‌హౌస్‌లో దీపావళి వేడుకలు.. పాల్గొన్న ఎఫ్‌బీఐ డైరెక్టర్ కాశ్ పటేల్

అమెరికా అధ్యక్షుడు డొనాల్డ్ ట్రంప్ వైట్‌హౌస్‌లో భారతీయ సంతతికి చెందిన ప్రముఖులు, వ్యాపారవేత్తలు, ఉన్నతాధికారులతో కలిసి దీపావళి వేడుకల్లో పాల్గొన్నారు. నవంబర్ 6, శుక్రవారం ఓవల్ ఆఫీస్‌లో ఈ వేడుకలు నిర్వహించారు. ఈ సందర్భంగా ట్రంప్ సంప్రదాయబద్ధంగా దీపం వెలిగించి దీపావళి సంబరాల్లో భాగమయ్యారు. అమెరికాలో భారతీయ సమాజానికి చెందిన ప్రముఖులతో పాటు పలు రంగాలకు చెందిన నాయకులు ఈ కార్యక్రమానికి హాజరయ్యారు. అమెరికాలో భారత రాయబారి వినయ్ మోహన్ క్వాత్రా, ప్రముఖ సెలబ్రిటీ చెఫ్ వికాస్ ఖన్నా, వ్యాపారవేత్త విశాల్ గొండాల్, ఎఫ్‌బీఐ డైరెక్టర్ కాశ్ పటేల్, ఐబీఎం సీఈఓ అరవింద్ కృష్ణ, మైక్రాన్ టెక్నాలజీ సీఈఓ సంజయ్ మెహ్రోత్రా తదితరులు ఈ వేడుకల్లో పాల్గొన్నారు.

ఈ కార్యక్రమంలో ప్రత్యేక ఆకర్షణగా నిలిచిన మరో సంఘటన కూడా చోటుచేసుకుంది. ఆరోగ్య సాంకేతిక సంస్థ GOQii వ్యవస్థాపకుడు విశాల్ గొండాల్.. డొనాల్డ్ ట్రంప్‌కు హనుమాన్ చాలీసా ప్రతిని బహూకరించారు. హనుమంతుడిని స్తుతిస్తూ రచించిన ఈ భక్తి గీతం ప్రతిని ట్రంప్‌కు అందించడం ఈ వేడుకల్లో ఆసక్తికర అంశంగా నిలిచింది. భారతీయ సంస్కృతి, సంప్రదాయాలను ప్రతిబింబించేలా జరిగిన ఈ దీపావళి వేడుకల్లో భారతీయ సంతతి ప్రముఖుల భాగస్వామ్యం ప్రత్యేక ఆకర్షణగా నిలిచింది.