టీఆర్ఎస్ పేరు మార్చుకోవాల్సిందే - కవిత

కల్వకుంట్ల కవిత ఏర్పాటు చేయనున్న తెలంగాణ రక్షణ సేన (టీఆర్ఎస్) పార్టీ పేరును మార్చాలని భారత ఎన్నికల సంఘం ఆదేశించింది. ప్రతిపాదించిన పేరుపై ప్రజల నుంచి అనేక అభ్యంతరాలు వ్యక్తమైన నేపథ్యంలో ఆ పేరును కొనసాగించడం సాధ్యం కాదని ఎన్నికల సంఘం స్పష్టం చేసింది.

15 రోజుల్లో మూడు ప్రత్యామ్నాయ పేర్లను సమర్పించాలని ఎన్నికల సంఘం కవితకు సూచించింది. నిర్ణీత గడువులోగా కొత్త పేర్లను పంపించకపోతే ఎలాంటి తదుపరి సమాచారం ఇవ్వకుండా పార్టీ నమోదు దరఖాస్తును మూసివేస్తామని హెచ్చరించింది. ఈ పరిణామం తెలంగాణ రాజకీయాల్లో చర్చనీయాంశంగా మారింది.