హెచ్‌-1బీ వీసా విధానంలో ఏడాదిలో భారీ మార్పులు..

అమెరికాలోని హెచ్‌-1బీ వీసా విధానంలో వచ్చే ఏడాదిలో గణనీయమైన మార్పులు చోటుచేసుకునే అవకాశం ఉందని అమెరికా కార్మికశాఖ ఇన్‌స్పెక్టర్ జనరల్ ఆంటోనీ డీఎస్పోసిటో తెలిపారు. హెచ్‌-1బీ వీసాల దుర్వినియోగం, మోసాలపై అమెరికా ప్రభుత్వం దర్యాప్తులను ముమ్మరం చేసిన నేపథ్యంలో ఆయన వ్యాఖ్యలు ప్రాధాన్యం సంతరించుకున్నాయి. హెచ్‌-1బీ వీసా మోసాలపై దేశవ్యాప్తంగా దర్యాప్తులు కొనసాగుతున్నాయని, నేరపూరిత చర్యలకు సంబంధించిన ఆధారాలు లభిస్తే కేసులను ప్రాసిక్యూషన్‌కు పంపే అవకాశం ఉందని అధికారులు చెబుతున్నారు.

ఇప్పటికే హెచ్‌-1బీ విధానంలో నిబంధనలను కఠినతరం చేసే చర్యలు ప్రారంభమయ్యాయి. 2025 సెప్టెంబర్‌లో అమెరికా కార్మికశాఖ ‘ప్రాజెక్ట్ ఫైర్‌వాల్’ను ప్రారంభించింది. అమెరికా ఉద్యోగులను తొలగించడం, తగిన విధంగా స్థానిక అభ్యర్థులను నియమించేందుకు ప్రయత్నించకపోవడం, హెచ్‌-1బీ నిబంధనలను ఉల్లంఘించడం వంటి అంశాలపై ఈ కార్యక్రమం కింద దర్యాప్తులు చేపడుతున్నారు. Department of Labor 2026 సెప్టెంబర్‌లో జారీ చేసిన కొత్త ఎగ్జిక్యూటివ్ ఆర్డర్ ప్రకారం.. హెచ్‌-1బీ ఉద్యోగులతో సమానమైన స్థానాల్లో అమెరికా ఉద్యోగులను ఇటీవల తొలగించిన లేదా భవిష్యత్తులో తొలగించనున్న సంస్థల వీసా దరఖాస్తులపై మరింత పరిశీలన జరపనున్నారు. మరోవైపు, కొన్ని హెచ్‌-1బీ వీసా ఉద్యోగుల అమెరికా ప్రవేశంపై విధించిన ఆంక్షలను 2027 సెప్టెంబర్ 21 వరకు పొడిగించారు.