తండ్రిపై భూ ఆక్రమణ ఆరోపణలు.. ఖండించిన బీజేపీ ఎమ్మెల్యే మైథిలీ ఠాకూర్

బీహార్‌లోని అలీనగర్ బీజేపీ ఎమ్మెల్యే మైథిలీ ఠాకూర్ తన తండ్రి రమేష్ ఠాకూర్‌పై వచ్చిన భూ ఆక్రమణ ఆరోపణలను ఖండించారు. ఆరోపణలు చేస్తున్న వారు సంబంధిత అధికారుల ఎదుట ఆధారాలతో నిరూపించాలని సవాల్ విసిరారు. ఈ ఆరోపణల్లో ఎలాంటి నిజం లేదని ఆమె స్పష్టం చేశారు.

మరోవైపు, గ్రామస్థులు రమేష్ ఠాకూర్‌పై పలు ఆరోపణలు చేశారు. మతపరమైన స్థలాలు, ప్రభుత్వ భూములు, రహదారులు, ప్రైవేట్ ఆస్తులను అక్రమంగా ఆక్రమించారని ఆరోపించారు. అంతేకాకుండా డ్రైనేజీ కాలువను పూడ్చివేసి, కేర్‌టేకర్‌ గదిని నిర్మించారని ఫిర్యాదులో పేర్కొన్నారు. ఈ ఆరోపణలపై అధికారుల విచారణలో వాస్తవాలు వెలుగులోకి రావాల్సి ఉంది.