రేగా కాంతారావు పిటిషన్‌పై నేడు హైకోర్టు విచారణ

బీఆర్ఎస్ మాజీ ఎమ్మెల్యే రేగా కాంతారావు తనపై నమోదైన ఎఫ్‌ఐఆర్‌ను రద్దు (క్వాష్) చేయాలని కోరుతూ తెలంగాణ హైకోర్టును ఆశ్రయించారు. ఈ మేరకు దాఖలు చేసిన పిటిషన్‌పై తెలంగాణ హైకోర్టు నేడు విచారణ చేపట్టనుంది. ఈ కేసు రాజకీయ వర్గాల్లో ప్రాధాన్యం సంతరించుకుంది.

ఈ నెల 26న హైదరాబాద్‌లోని పంజాగుట్ట పోలీస్ స్టేషన్‌లో రేగా కాంతారావుపై కేసు నమోదైంది. యూట్యూబ్ ఛానెల్ పేరుతో తనను ఫ్లాట్‌కు పిలిపించి, పెళ్లి పేరుతో లైంగికంగా వేధించారని ఓ యువతి ఫిర్యాదు చేసింది. ఈ ఆరోపణల ఆధారంగా పోలీసులు కేసు నమోదు చేసి దర్యాప్తు కొనసాగిస్తున్నారు. కాగా, ఆరోపణలను చట్టపరంగా సవాలు చేస్తూ ఎఫ్‌ఐఆర్‌ను రద్దు చేయాలని రేగా కాంతారావు హైకోర్టును ఆశ్రయించారు.a