జూరాలకు ప్రాజెక్ట్‌కు భారీ వరద ప్రవాహం

ఎగువ ప్రాంతాల్లో కురుస్తున్న భారీ వర్షాల కారణంగా జూరాల ప్రాజెక్ట్‌కు వరద ప్రవాహం భారీగా పెరిగింది. నీటిమట్టం పెరుగుతుండటంతో అధికారులు 27 గేట్లు ఎత్తి దిగువకు నీటిని విడుదల చేస్తున్నారు. ప్రస్తుతం ప్రాజెక్ట్‌కు 1,79,000 క్యూసెక్కుల ఇన్‌ఫ్లో వస్తుండగా, 1,77,105 క్యూసెక్కుల నీటిని ఔట్‌ఫ్లోగా విడుదల చేస్తున్నారు.

జూరాల ప్రాజెక్ట్ పూర్తిస్థాయి నీటిమట్టం 318.516 మీటర్లు కాగా, ప్రస్తుతం 317.75 మీటర్ల నీటిమట్టం నమోదైంది. అలాగే ప్రాజెక్ట్‌లోని 11 విద్యుత్ ఉత్పత్తి యూనిట్లు పనిచేస్తూ మొత్తం 434 మెగావాట్ల విద్యుత్ ఉత్పత్తి చేస్తున్నాయి.