యూపీఎస్సీ మెయిన్స్ ఫలితాలు విడుదల

యూనియన్ పబ్లిక్ సర్వీస్ కమిషన్ (యూపీఎస్సీ) సివిల్ సర్వీసెస్ మెయిన్స్ పరీక్ష ఫలితాలను విడుదల చేసింది. ఈ పరీక్షలో అర్హత సాధించిన మొత్తం 2,526 మంది అభ్యర్థులు తదుపరి దశ అయిన పర్సనాలిటీ టెస్ట్‌ (ఇంటర్వ్యూ)కు ఎంపికయ్యారు. మెయిన్స్ పరీక్షకు హాజరైన అభ్యర్థులు యూపీఎస్సీ అధికారిక వెబ్‌సైట్‌లో తమ ఫలితాలను పరిశీలించుకోవచ్చు.

ఇంటర్వ్యూల తేదీలను త్వరలో ప్రకటించనున్నట్లు కమిషన్ వెల్లడించింది. అర్హత సాధించిన అభ్యర్థులు ఇంటర్వ్యూ షెడ్యూల్, ఇతర సూచనలకు సంబంధించిన తాజా సమాచారం కోసం అధికారిక వెబ్‌సైట్‌ను పరిశీలించాలని సూచించింది. సివిల్ సర్వీసెస్ ఎంపిక ప్రక్రియలో ఇంటర్వ్యూ చివరి దశ కాగా, నిర్దేశిత ఎంపిక విధానం ప్రకారం తుది మెరిట్ జాబితాను ప్రకటించనున్నారు.