మీ ఆలోచనకు లక్ష రూపాయల విలువ.. హౌసింగ్ బోర్డు పోటీ ప్రారంభం

నగరంలోని ‘క్యూర్’ (CURE) పరిధిలో, అంటే ఔటర్ రింగ్ రోడ్ (ORR) లోపల ఒక లక్ష ఇళ్ల నిర్మాణానికి హౌసింగ్ బోర్డు కసరత్తు ప్రారంభించింది. ఈ భారీ గృహ నిర్మాణ పథకానికి ఆకర్షణీయమైన పేరు ఎంపిక చేసేందుకు ప్రజల నుంచి సూచనలు ఆహ్వానిస్తోంది. నగరంలో ప్రణాళికాబద్ధమైన గృహ నిర్మాణాన్ని ప్రోత్సహించే లక్ష్యంతో ఈ ప్రతిష్టాత్మక ప్రాజెక్టును చేపట్టనున్నారు.

హౌసింగ్ బోర్డు వైస్ చైర్మన్ గౌతమ్ తెలిపిన వివరాల ప్రకారం, ఉత్తమ పేరు సూచించిన వ్యక్తికి రూ.1 లక్ష నగదు బహుమతి అందజేయనున్నారు. ఈ నెల 28 వరకు ప్రజలు తమ సూచనలను పంపవచ్చు. ఇందుకోసం tghd.official ఇన్‌స్టాగ్రామ్ పేజీ ద్వారా పోటీలో పాల్గొనే అవకాశం కల్పించారు. ప్రజల భాగస్వామ్యంతో పథకానికి ప్రత్యేక గుర్తింపు తీసుకురావాలని అధికారులు భావిస్తున్నారు.