తన పేరులోని ‘పవన్’ సీక్రెట్ చెప్పిన పవన్ కళ్యాణ్

ఆంధ్రప్రదేశ్ ఉప ముఖ్యమంత్రి, జనసేన పార్టీ అధ్యక్షుడు పవన్ కళ్యాణ్ తన పేరుకు సంబంధించిన ఆసక్తికరమైన విషయాన్ని తొలిసారి వెల్లడించారు. ప్రముఖ జర్నలిస్ట్ స్మితా ప్రకాష్ నిర్వహించిన పోడ్‌కాస్ట్‌లో మాట్లాడిన ఆయన, తిరుమలలోని యోగ నరసింహ స్వామి ఆలయంలో జరిగిన నామకరణ వేడుకలో తనకు ‘శ్రీ కళ్యాణ్ కుమార్’ అనే పేరు పెట్టినట్లు తెలిపారు. అనంతరం పాఠశాల రికార్డుల్లో ‘శ్రీ’ తొలగిపోవడంతో తన పేరు కె. కళ్యాణ్ కుమార్గా నమోదైందని, అందులో ‘కె’ అనేది తమ కుటుంబ ఇంటిపేరు కొణిదెలకు సంక్షిప్త రూపమని వివరించారు.

సినీ రంగంలోకి రాకముందు మార్షల్ ఆర్ట్స్‌లో శిక్షణ పొందుతున్న సమయంలో తన గురువే ‘పవన్’ అనే పేరును జోడించారని పవన్ కళ్యాణ్ వెల్లడించారు. ఛాతిపై సుమారు 400–450 కిలోల బరువును మోస్తూ శక్తి ప్రదర్శనలు చేయడం చూసిన గురువు, తన ధైర్యం మరియు బలాన్ని పవనపుత్ర హనుమంతుడుతో పోల్చి ‘పవన్’ అనే పేరును పెట్టారని చెప్పారు. తన తొలి పోడ్‌కాస్ట్‌లో వెల్లడించిన ఈ ఆసక్తికరమైన విషయాలు ప్రస్తుతం సోషల్ మీడియాలో వైరల్ అవుతూ అభిమానులను విశేషంగా ఆకట్టుకుంటున్నాయి.