హైదరాబాద్‌లో మహిళా గంజాయి స్మగ్లర్ అరెస్ట్..

హైదరాబాద్‌లో గంజాయి అక్రమ రవాణాకు పాల్పడుతున్నట్లు ఆరోపణలు ఎదుర్కొంటున్న నీతూ బాయిని తెలంగాణ ఈగల్ ఫోర్స్ అరెస్ట్ చేసింది. 51 ఏళ్ల ఆమె 2017 నుంచి గంజాయి స్మగ్లింగ్ చేస్తున్నట్లు పోలీసులు గుర్తించారు. గచ్చిబౌలి, నానక్‌రామ్‌గూడ ప్రాంతాల్లోని ఐటీ ఉద్యోగులు, విద్యార్థులను లక్ష్యంగా చేసుకుని ఆమె అక్రమ నెట్‌వర్క్ నిర్వహించినట్లు వెల్లడించారు.

గంజాయి అక్రమ రవాణా ద్వారా సంపాదించిన డబ్బుతో మూడు, నాలుగు అంతస్తుల భవనాలను నిర్మించినట్లు పోలీసులు గుర్తించారు. దర్యాప్తులో భాగంగా ఆ భవనాలను గుర్తించి సీజ్ చేశారు. హైదరాబాద్‌లో మాదకద్రవ్యాల అక్రమ రవాణాను అరికట్టేందుకు తెలంగాణ పోలీసులు చేపడుతున్న చర్యల్లో ఈ అరెస్ట్ కీలకంగా మారింది.