హైదరాబాద్ వస్తున్నా - సీఎం రేవంత్‌రెడ్డి

లండన్‌ పర్యటన ముగించుకుని మరికొద్ది గంటల్లో హైదరాబాద్‌కు తిరిగి వస్తున్నట్లు తెలంగాణ సీఎం రేవంత్‌రెడ్డి తెలిపారు. విదేశాంగ శాఖ అనుమతి నిరాకరించడంతో అమెరికా పర్యటన రద్దు చేసుకుని లండన్‌ నుంచే హైదరాబాద్‌కు తిరుగు ప్రయాణమవుతున్నట్లు చెప్పారు. లండన్‌ పర్యటన విజయవంతంగా ముగిసిందని పేర్కొన్నారు.

అమెరికా పర్యటనను కేంద్రం రాజకీయ కక్ష సాధింపులో భాగంగానే నిలిపివేసిందని రేవంత్‌రెడ్డి ఆరోపించారు. ఈ విషయంలో తనకు మద్దతుగా నిలిచిన కాంగ్రెస్‌ జాతీయ అధ్యక్షుడు మల్లికార్జున ఖర్గేకు ధన్యవాదాలు తెలిపారు. హైదరాబాద్‌కు చేరుకున్న తర్వాత ఈ అంశంపై పూర్తి వివరాలు వెల్లడిస్తానని సీఎం పేర్కొన్నారు.