రూ.147 నుంచే జియో వాయిస్ ఓన్లీ ప్లాన్.. కాల్స్, ఎస్సెమ్మెస్‌లకే ప్రత్యేక రీఛార్జ్‌లు

మొబైల్ డేటా అవసరం లేకుండా కేవలం వాయిస్ కాల్స్, ఎస్సెమ్మెస్‌ల కోసం రీఛార్జ్ చేసుకోవాలనుకునే వినియోగదారుల కోసం రిలయన్స్ జియో వాయిస్ ఓన్లీ ప్లాన్‌లను అందిస్తోంది. ఈ ప్లాన్‌లలో ప్రారంభ ధర రూ.147గా ఉంది. దీనిపై 22 రోజుల వ్యాలిడిటీ లభిస్తుంది. వీటిలో మొబైల్ డేటా, ఓటీటీ సబ్‌స్క్రిప్షన్లు వంటి అదనపు ప్రయోజనాలు ఉండవు. ఫీచర్ ఫోన్లు ఉపయోగించే వారు, మొబైల్ డేటా అవసరం లేని వారు ఈ ప్లాన్‌లను ఎంచుకోవచ్చు.

ఇతర టెలికాం సంస్థల ప్లాన్‌లతో పోలిస్తే జియో ధర తక్కువగా ఉంది. ఎయిర్‌టెల్ వాయిస్ ఓన్లీ ప్లాన్ రూ.185 నుంచి ప్రారంభమవుతుండగా, దానికి 28 రోజుల వ్యాలిడిటీ ఉంది. వొడాఫోన్ ఐడియా ప్లాన్ ప్రారంభ ధర రూ.179 కాగా, దీనికి కూడా 28 రోజుల వ్యాలిడిటీ లభిస్తుంది. జియో రూ.147కే ప్లాన్ అందిస్తున్నప్పటికీ, దాని వ్యాలిడిటీ 22 రోజులు మాత్రమే. వైఫై ద్వారా ఇంటర్నెట్ వినియోగించే వారికి ఈ ప్లాన్‌లు రీఛార్జ్ ఖర్చును తగ్గించడంలో ఉపయోగపడతాయి. జియో ఇప్పటికే 84 రోజుల వ్యాలిడిటీతో రూ.448 ప్లాన్‌ను, 336 రోజుల వ్యాలిడిటీతో రూ.1,748 ప్లాన్‌ను కూడా అందిస్తోంది.