ఫ్రీ జర్నీ స్కీమ్ ను లాంచ్ చేసిన కేరళం సీఎం

ఎన్నికల సమయంలో ఇచ్చిన కీలక హామీని అమలు చేస్తూ కేరళం ప్రభుత్వం మహిళలకు ఉచిత బస్సు ప్రయాణ పథకాన్ని అధికారికంగా ప్రారంభించింది. నవకేరళ నిర్మాణ దిశగా ఇది ఒక కీలకమైన అడుగని ముఖ్యమంత్రి వీ.డి. సతీశన్ పేర్కొన్నారు. ఈ పథకం ద్వారా మహిళల ఆర్థిక భారం తగ్గడంతో పాటు ప్రజా రవాణా వినియోగం మరింత పెరుగుతుందని ప్రభుత్వం ఆశాభావం వ్యక్తం చేసింది.

తిరువనంతపురంలోని తంపనూరు కేఎస్‌ఆర్టీసీ బస్ టెర్మినల్‌లో ముఖ్యమంత్రి ఈ పథకాన్ని ప్రారంభించారు. అనంతరం తంపనూరు నుంచి సచివాలయం వరకు మహిళలతో కలిసి బస్సులో ప్రయాణించారు. రాష్ట్రవ్యాప్తంగా ఉన్న మహిళలు, ట్రాన్స్‌జెండర్లు ఈ పథకానికి అర్హులని ప్రకటించారు. కర్ణాటక, తెలంగాణ, ఆంధ్రప్రదేశ్, తమిళనాడు రాష్ట్రాల సరసన కేరళం కూడా ఉచిత బస్సు ప్రయాణ సౌకర్యాన్ని అమలు చేస్తున్న రాష్ట్రంగా నిలిచింది.