2030 నాటికి 50 బిలియన్ డాలర్ల ఔషధ ఎగుమతుల లక్ష్యం – కేంద్ర వాణిజ్య శాఖ

2030 నాటికి దేశీయ ఔషధ ఎగుమతులను 50 బిలియన్ డాలర్ల (రూ.4.76 లక్షల కోట్లు)కు పెంచడమే ప్రభుత్వ లక్ష్యమని కేంద్ర వాణిజ్య శాఖ డిప్యూటీ డైరెక్టర్ డి. రవితేజ తెలిపారు. గత 12 ఏళ్లలో ఔషధ ఎగుమతులు సగటున 7.22% వార్షిక వృద్ధి సాధించి, 2014లో 14 బిలియన్ డాలర్ల నుంచి 2025-26లో 31 బిలియన్ డాలర్లకు చేరుకున్నాయని ఆయన పేర్కొన్నారు.

ప్రపంచంలో ఉత్పత్తి పరంగా భారత్ మూడో స్థానంలో, అమ్మకాల పరంగా ఏడో స్థానంలో ఉందని తెలిపారు. అమెరికా, యూరప్ దేశాలు ప్రధాన ఎగుమతి మార్కెట్లు కాగా, తెలంగాణ ఒక్కటే 35–40% వాటా కలిగి ఉందని చెప్పారు. కీలక ముడిసరకులపై కస్టమ్స్ డ్యూటీ మినహాయింపు, సరఫరా సమస్యల పరిష్కారం, APIలలో స్వయం సమృద్ధి లక్ష్యంగా ప్రభుత్వం పనిచేస్తోందని వివరించారు.