నేటి నుంచి కొత్త టోల్‌ నిబంధనలు

నేటి నుంచి దివ్యాంగుల వాహనాలకు సంబంధించి కొత్త టోల్‌ నిబంధనలు అమల్లోకి రానున్నాయి. దివ్యాంగుల సొంత వాహనాలకు టోల్‌ మినహాయింపు కల్పించడంతో పాటు, టోల్‌ ప్లాజాల వద్ద రుసుము చెల్లింపు నుంచి మినహాయింపు పొందేందుకు ఎగ్జెంప్టెడ్‌ ఫాస్టాగ్‌ సదుపాయాన్ని అందుబాటులోకి తీసుకురానున్నారు. ఈ మార్పులతో అర్హత కలిగిన దివ్యాంగులు జాతీయ రహదారులపై టోల్‌ చెల్లించకుండా ప్రయాణించే అవకాశం ఉంటుంది.

వైకల్యం శాతాన్ని బట్టి ఎగ్జెంప్టెడ్‌ ఫాస్టాగ్‌ కాలపరిమితిని నిర్ణయించారు. 70 నుంచి 100 శాతం వరకు వైకల్యం ఉన్నవారికి ఫాస్టాగ్‌ ఐదేళ్లపాటు చెల్లుబాటులో ఉంటుంది. 40 నుంచి 70 శాతం వరకు వైకల్యం ఉన్నవారికి మూడేళ్ల కాలపరిమితి ఉంటుంది. అర్హత కలిగిన దివ్యాంగులు నిర్దేశిత ప్రక్రియను అనుసరించి ఎగ్జెంప్టెడ్‌ ఫాస్టాగ్‌ను పొందవచ్చు.