తిరుమలలో ఆక్టోపస్ కమాండోల మాక్‌ డ్రిల్

తిరుమలలో భక్తుల భద్రతను మరింత బలోపేతం చేయడానికి ఆక్టోపస్ కమాండోలు, రాష్ట్ర పోలీస్ శాఖ, టీటీడీ విజిలెన్స్ విభాగం సంయుక్తంగా భారీ మాక్ డ్రిల్ నిర్వహించాయి. ప్రతిరోజూ భారీ సంఖ్యలో వచ్చే భక్తుల రక్షణ కోసం ఈ విన్యాసం చేపట్టబడింది.

ఈ డ్రిల్‌లో తిరుమలలోని పీఏసీ-4 సత్రాన్ని ఉగ్రవాదులు ముట్టడించినట్లుగా ఊహించి ఆపరేషన్ నిర్వహించారు. అత్యవసర పరిస్థితుల్లో భద్రతా బలగాలు ఉగ్రవాదులను ఎలా అదుపులోకి తీసుకుంటాయి, భక్తులను ఎలా సురక్షిత ప్రాంతాలకు తరలిస్తాయో ప్రాక్టికల్‌గా ప్రదర్శించారు.