

భారత్ పర్యటనలో ఉన్న బ్రిటన్ రాజకుటుంబ సభ్యులు ప్రిన్స్ విలియం, కేట్ మిడిల్టన్ మంగళవారం ముంబైలో ఆటో ప్రయాణం చేశారు. నగరంలోని బాంద్రా రీక్లమేషన్ గార్డెన్ను సందర్శించిన వారు ఎర్త్షాట్ ప్రైజ్ 2026కు ఎంపికైన ఫైనలిస్టులను కలిశారు. ఈ సందర్భంగా ప్రిన్స్ విలియం మహీంద్రా సంస్థకు చెందిన ఎలక్ట్రిక్ రిక్షాను స్వయంగా నడిపారు. కేట్ మిడిల్టన్ ఆయన వెనుక ప్రయాణికురాలిగా కూర్చున్నారు. పర్యావరణహిత రవాణా విధానాలపై అవగాహన పెంచేలా సాగిన ఈ ప్రయాణం అక్కడ ప్రత్యేక ఆకర్షణగా నిలిచింది.
ప్రపంచం ఎదుర్కొంటున్న పర్యావరణ సమస్యలకు ఆచరణాత్మక పరిష్కారాలను గుర్తించి ప్రోత్సహించాలనే లక్ష్యంతో ప్రిన్స్ విలియం 2020లో ఎర్త్షాట్ ప్రైజ్ను ప్రారంభించారు. భూమిని రక్షించేందుకు, పర్యావరణాన్ని పునరుద్ధరించేందుకు వినూత్న మార్గాలను అన్వేషించే వారికి ఈ అవార్డు ద్వారా గుర్తింపు లభిస్తుంది. 2026 ఎర్త్షాట్ ప్రైజ్ వేడుకను తొలిసారిగా భారత్లో నిర్వహిస్తున్నారు. ఈ కార్యక్రమంలో భాగంగా ముంబైకి వచ్చిన రాజదంపతులు ఎంపికైన ఫైనలిస్టులతో సమావేశమై, వారు చేపడుతున్న పర్యావరణ పరిరక్షణ కార్యక్రమాల గురించి తెలుసుకున్నారు.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!