

శబరిమల అయ్యప్ప స్వామి భక్తుల కోసం కేరళ ప్రభుత్వం భారీ అభివృద్ధి ప్రాజెక్టును చేపట్టేందుకు సిద్ధమైంది. తిరుమల తిరుపతిలో ఉన్న తరహాలో కొండపై అత్యాధునిక మౌలిక సదుపాయాలను కల్పించనున్నట్లు ముఖ్యమంత్రి వి.డి. సతీశన్ వెల్లడించారు. కొచ్చి అంతర్జాతీయ విమానాశ్రయంలో యాత్రికుల సౌకర్యార్థం ఏర్పాటు చేసిన ప్రత్యేక కేంద్రం ప్రారంభోత్సవంలో ఆయన ఈ ప్రకటన చేశారు. ఈ ప్రాజెక్టు ద్వారా శబరిమలకు వచ్చే భక్తుల సంఖ్యను 50 శాతం పెంచాలని ప్రభుత్వం లక్ష్యంగా పెట్టుకుంది.
యాత్రికుల ప్రయాణాన్ని మరింత సులభతరం చేసేందుకు కొచ్చి విమానాశ్రయంలో 5,000 చదరపు అడుగుల విస్తీర్ణంలో ప్రత్యేక కేంద్రాన్ని ఏర్పాటు చేశారు. ఈ కేంద్రం ద్వారా హెలికాప్టర్ బుకింగ్, ప్రసాదం కూపన్లు, కేఎస్ఆర్టీసీ బస్సు సర్వీసులకు సంబంధించిన సేవలు అందుబాటులో ఉంటాయి. అదనంగా ఉచిత వైఫై సదుపాయాన్ని కూడా కల్పించారు. శబరిమల యాత్రకు వచ్చే భక్తులకు మెరుగైన సేవలు అందించడంతో పాటు ప్రయాణాన్ని సౌకర్యవంతంగా మార్చడమే ఈ ఏర్పాట్ల ప్రధాన ఉద్దేశం.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!