వినాయక చవితి వేడుకల్లో రాధిక మర్చంట్‌ స్పెషల్‌ పెర్ఫార్మెన్స్‌

ముఖేష్ అంబానీ నివాసంలో వినాయక చవితి వేడుకలు ఘనంగా జరిగాయి. ఈ సందర్భంగా అంబానీ కోడలు రాధిక మర్చంట్‌ ‘ఏకదంతాయ వక్రతుండాయ’ అనే భక్తిగీతానికి అందంగా నృత్యం చేశారు. ఆమె నృత్యం చూసిన నెటిజన్లు మైమరిచిపోతున్నారు. భారతీయ సంస్కృతి, సంప్రదాయాలకు అద్దం పట్టేలా రాధిక నృత్యం ఉందంటూ ప్రశంసలు కురిపిస్తున్నారు. రాధిక నృత్యానికి సంబంధించిన వీడియోను ఐఫా ఇన్‌స్టాగ్రామ్‌లో షేర్‌ చేసింది. ‘హార్ట్‌ఫెల్ట్ ట్రిబ్యూట్ టు లార్డ్ గణేశా’ అనే కాప్షన్‌ను జత చేసింది. వీడియోలో రాధిక నృత్యంతో పాటు ఆమె ముఖ కవళికలు కూడా ఆకట్టుకున్నాయి. ఆమెతో పాటు మరో నలుగురు మహిళలు నృత్యం చేశారు.

రాధిక మర్చంట్‌ 2024లో ముఖేశ్‌ అంబానీ కుమారుడు అనంత్‌ అంబానీని వివాహం చేసుకున్నారు. తనకు నృత్యంపై ఆసక్తి ఉందని ఆమె గతంలోనే వెల్లడించారు. ఈ క్రమంలో వినాయక చవితి వేడుకల్లో చక్కటి నృత్య ప్రదర్శనతో ఆకట్టుకున్నారు. ప్రస్తుతం ఈ వీడియో సామాజిక మాధ్యమాల్లో వైరల్‌గా మారడంతో నెటిజన్లు రాధికపై ప్రశంసలు కురిపిస్తున్నారు.