ఏపీ మున్సిపల్ ఎన్నికలకు భారీ భద్రత..

ఆంధ్రప్రదేశ్‌లో నవంబర్ 1న జరగనున్న మున్సిపాలిటీలు, నగర పంచాయతీల ఎన్నికల కోసం రాష్ట్ర ఎన్నికల సంఘం (ఎస్‌ఈసీ) భారీ భద్రతా ఏర్పాట్లు చేసింది. ఉదయం 7 గంటల నుంచి సాయంత్రం 5 గంటల వరకు పోలింగ్ నిర్వహించనున్నారు. ఎన్నికలు ప్రశాంతంగా, స్వేచ్ఛాయుతంగా, నిష్పక్షపాతంగా జరిగేలా రాష్ట్రవ్యాప్తంగా 4,372 పోలింగ్ కేంద్రాల పరిధిలో మొత్తం 36,351 మంది పోలీసులను బందోబస్తు విధుల్లో నియమించారు.

ముఖ్యంగా అతి సున్నితమైన, సున్నితమైన పోలింగ్ కేంద్రాల వద్ద ప్రత్యేక భద్రతా చర్యలు చేపట్టారు. 671 అతి సున్నితమైన కేంద్రాలకు 3,355 మంది పోలీసులను, 1,233 సున్నితమైన కేంద్రాలకు 4,943 మంది సిబ్బందిని కేటాయించారు. పోలింగ్ ప్రక్రియను నిరంతరం పర్యవేక్షించేందుకు డ్రోన్లు, సీసీటీవీ కెమెరాలు, వీడియో చిత్రీకరణను వినియోగించనున్నారు. ఎలాంటి అవాంఛనీయ ఘటనలు చోటుచేసుకోకుండా అధికారులు పటిష్ట నిఘా ఏర్పాటు చేశారు.