విద్యార్థుల కోసం మోదీ కుటుంబ పెద్దలా స్పందించారు: రాఘవ్ చద్దా

రాజ్యసభలో పబ్లిక్ పరీక్షల (అక్రమ పద్ధతుల నివారణ) సవరణ బిల్లు-2026పై జరిగిన చర్చలో ఎంపీ రాఘవ్ చద్దా ఈ బిల్లుకు మద్దతు తెలిపారు. దేశంలో ప్రశ్నాపత్రాల లీకేజీ మాఫియాను అరికట్టేందుకు ఇది తొలి సమగ్ర చట్టపరమైన వ్యవస్థగా నిలుస్తుందని ఆయన పేర్కొన్నారు. ఎన్నో సంవత్సరాలుగా జరుగుతున్న పేపర్ లీక్‌ల వల్ల లక్షలాది మంది విద్యార్థుల కష్టం, ప్రతిభ, భవిష్యత్తు దెబ్బతింటోందని ఆయన అన్నారు.

విద్యార్థుల ఆందోళనలను ప్రధాని నరేంద్ర మోదీ ఒక కుటుంబ పెద్దలా అర్థం చేసుకుని స్పందించారని రాఘవ్ చద్దా ప్రశంసించారు. నీట్ అంశంపై కేంద్ర ప్రభుత్వం పునఃపరీక్షలు, సీబీఐ దర్యాప్తు, ఎస్‌ఐటీ ఏర్పాటు, ఎన్‌టీఏలో పరిపాలన సంస్కరణలు, పరీక్ష భద్రత బలోపేతం, భవిష్యత్తులో పూర్తిగా కంప్యూటర్ ఆధారిత పరీక్షల నిర్వహణ వంటి చర్యలు చేపట్టిందని వివరించారు. విద్యార్థుల నిరసనలను రాజకీయ ప్రయోజనాలకు ఉపయోగించకూడదని, పరీక్షలు ర్యాంకును మాత్రమే నిర్ణయిస్తాయని కానీ విద్యార్థి విలువను కాదని ఆయన స్పష్టం చేశారు.