రామ్ చరణ్ కు 2 నెలలు రెస్ట్

నటుడు రామ్ చరణ్‌కు కోయంబత్తూరులో నిపుణులైన వైద్యుల బృందం పర్యవేక్షణలో మణికట్టు శస్త్రచికిత్స విజయవంతంగా జరిగింది. నిన్న నిర్వహించిన ఈ శస్త్రచికిత్స విజయవంతంగా పూర్తయినట్లు సమాచారం. ఈ అప్‌డేట్‌తో అభిమానులు, సినీ వర్గాలు ఊరట వ్యక్తం చేస్తున్నాయి.

శస్త్రచికిత్స అనంతరం రామ్ చరణ్‌కు కనీసం ఎనిమిది వారాల పాటు పూర్తి విశ్రాంతి తీసుకోవాలని వైద్యులు సూచించారు. పూర్తిస్థాయి కోలుకునేందుకు ఫిజియోథెరపీ కూడా తప్పనిసరిగా చేయాలని వైద్య బృందం సూచించింది. కోలుకున్న తర్వాత ఆయన తిరిగి తన సినిమా చిత్రీకరణల్లో పాల్గొనే అవకాశం ఉంది.