హైకోర్టు లో బీఆరెస్ ఎమ్మెల్యే కాంతారావు పిటిషన్

హైదరాబాద్ పంజాగుట్ట పోలీస్ స్టేషన్‌లో నమోదైన కేసును కొట్టివేయాలని కోరుతూ భారాస మాజీ ఎమ్మెల్యే రేగా కాంతారావు హైకోర్టును ఆశ్రయించారు. ఉద్యోగం ఇప్పిస్తానని, ఛానల్ ఏర్పాటు చేస్తానని నమ్మించి లైంగిక దాడికి పాల్పడ్డారని, రూ.5 లక్షలు తీసుకుని తిరిగి ఇవ్వలేదని ఓ యువతి చేసిన ఫిర్యాదు ఆధారంగా కేసు నమోదు అయ్యింది. ఈ కేసును రద్దు చేయాలని కోరుతూ కాంతారావు పిటిషన్ దాఖలు చేశారు.

తనపై వచ్చిన ఆరోపణలు పూర్తిగా తప్పుడు అని, రాజకీయంగా మరియు వ్యక్తిగతంగా తన ప్రతిష్ఠను దెబ్బతీయడానికి ఈ ఫిర్యాదు చేశారని ఆయన పేర్కొన్నారు. నాలుగేళ్ల క్రితం జరిగినట్లు చెప్పిన ఘటనపై ఇప్పుడు ఫిర్యాదు చేయడం చట్టవిరుద్ధమని, కేసును కొట్టివేయాలని కోరారు. ఈ పిటిషన్‌పై ఈ నెల 5న జస్టిస్ బి.ఆర్. మధుసూదన్ రావు విచారణ చేపట్టే అవకాశం ఉంది.