ట్రంప్ కోసం రహస్య విమానం.. ఏం జరిగింది?

పశ్చిమాసియాలో ఉద్రిక్తతలు, ఇరాన్ నుంచి ముప్పు హెచ్చరికల నేపథ్యంలో అమెరికా అధ్యక్షుడు డొనాల్డ్ ట్రంప్ ఎయిర్ ఫోర్స్ వన్‌కు బదులుగా చిన్న విమానంలో ప్రయాణించిన విషయాన్ని స్వయంగా ధ్రువీకరించారు. భద్రతా కారణాలతో సీక్రెట్ సర్వీస్, సైన్యం సూచన మేరకు తనను మరో విమానంలో తరలించినట్లు తెలిపారు. తనకు ముప్పు ఉండి ఉండొచ్చని, అయితే ఇలాంటి బెదిరింపులు తరచూ వస్తుంటాయని ట్రంప్ పేర్కొన్నారు.

జులైలో తుర్కియే రాజధాని అంకారాలో జరిగిన నాటో సదస్సుకు ఖతార్ కానుకగా ఇచ్చిన బోయింగ్ 747-8లో ట్రంప్ వెళ్లారు. తిరుగు ప్రయాణంలో మాత్రం పాత ఎయిర్ ఫోర్స్ వన్‌లో వెళ్తున్నట్లు కనిపించినప్పటికీ, భద్రతా సిబ్బంది ఆయనను చిన్న విమానంలో తరలించినట్లు సమాచారం. ఈ సమయంలో పాత్రికేయులు, ఇతర సిబ్బందిని వదిలి ట్రంప్‌ను మాత్రమే తరలించడంపై విమర్శలు వెల్లువెత్తాయి.