కమర్షియల్‌ ప్రాపర్టీల వైపు సోనూ నిగమ్‌ అడుగులు

ప్రముఖ గాయకుడు సోనూ నిగమ్‌ ముంబైలో భారీ రియల్‌ ఎస్టేట్‌ పెట్టుబడి పెట్టారు. అంధేరీ వెస్ట్‌లోని సుందర్వన్‌ కాంప్లెక్స్‌లో మూడు కమర్షియల్‌ యూనిట్లను మొత్తం రూ.17 కోట్లకు కొనుగోలు చేసినట్లు ఆస్తి రిజిస్ట్రేషన్‌ పత్రాల ద్వారా వెల్లడైంది. ఆగస్టు 6, 2026న ఈ లావాదేవీలు నమోదయ్యాయి. లోఖండ్‌వాలా రోడ్డులోని ఆస్టన్‌ భవనంలో రెండు యూనిట్లు మొదటి అంతస్తులో ఉండగా, మరో కార్యాలయ యూనిట్‌ గ్రౌండ్‌ ఫ్లోర్‌లో ఉంది.

మొదటి అంతస్తులోని రెండు యూనిట్లను రూ.16 కోట్లకు కొనుగోలు చేయగా, వాటి మొత్తం విస్తీర్ణం 3,885.77 చదరపు అడుగులు. ఈ కొనుగోలుతో పాటు నాలుగు కార్‌ పార్కింగ్‌ స్థలాలు కూడా లభించాయి. గ్రౌండ్‌ ఫ్లోర్‌లోని మరో 258.33 చదరపు అడుగుల కార్యాలయాన్ని రూ.కోటి చెల్లించి కొనుగోలు చేశారు. మూడు యూనిట్ల మొత్తం విస్తీర్ణం 4,144.10 చదరపు అడుగులుగా ఉంది. తాజా కొనుగోలుతో ముంబై కమర్షియల్‌ రియల్‌ ఎస్టేట్‌లో సోనూ నిగమ్‌ పెట్టుబడులు మరింత విస్తరించాయి.