థాయ్‌లాండ్‌: బ్యాంకాక్‌లో పబ్‌లో అగ్నిప్రమాదం

థాయ్‌లాండ్ రాజధాని బ్యాంకాక్‌లోని ఒక పబ్‌లో భారీ అగ్నిప్రమాదం సంభవించి విషాదానికి దారి తీసింది. ఈ ఘటనలో కనీసం 27 మంది మృతి చెందగా, 63 మంది గాయపడ్డారు. మంటలు వేగంగా వ్యాపించడంతో పలువురు లోపలే చిక్కుకుని ప్రాణాలు కోల్పోయారు.

అప్రమత్తమైన అగ్నిమాపక సిబ్బంది, రక్షణ బృందాలు వెంటనే ఘటనాస్థలానికి చేరుకుని గాయపడిన వారిని ఆసుపత్రులకు తరలించారు. పలువురి పరిస్థితి విషమంగా ఉండటంతో మృతుల సంఖ్య పెరిగే అవకాశముంది. మృతుల్లో స్థానికులతో పాటు విదేశీయులు కూడా ఉన్నారు. ఘటనపై అధికారులు దర్యాప్తు ప్రారంభించారు.