మదురైలో దొంగల బీభత్సం.. తనిష్క్ షోరూమ్‌లో భారీ చోరీ

తమిళనాడులో భారీ నగల చోరీ ఘటన కలకలం రేపింది. మదురైలోని ప్రముఖ తనిష్క్ నగల షోరూమ్‌లో సుమారు రూ.50 కోట్ల విలువైన ఆభరణాలు అపహరణకు గురైనట్లు సమాచారం. దొంగలు షోరూమ్ షట్టర్‌ను పగలగొట్టి లోపలికి ప్రవేశించి, విలువైన నగలను ఎత్తుకెళ్లినట్లు తెలుస్తోంది. ఈ ఘటన స్థానికంగా తీవ్ర చర్చనీయాంశంగా మారింది.

చోరీ జరిగిన విషయాన్ని గుర్తించిన షోరూమ్ నిర్వాహకులు వెంటనే పోలీసులకు ఫిర్యాదు చేశారు. దీంతో పోలీసులు ఘటనాస్థలానికి చేరుకుని పరిశీలించారు. చోరీకి పాల్పడిన వారిని గుర్తించేందుకు దర్యాప్తు ప్రారంభించారు. షోరూమ్‌లోని సీసీటీవీ ఫుటేజీతో పాటు ఇతర ఆధారాలను పరిశీలిస్తూ నిందితుల ఆచూకీ కోసం గాలిస్తున్నారు.