రామప్ప ఆలయం దగ్గర బొగ్గు గని ప్రతిపాదనను వెనక్కి తీసుకోవాలి: కేటీఆర్

రామప్ప ఆలయానికి సమీపంలో ప్రతిపాదించిన ఓపెన్‌కాస్ట్ బొగ్గు గనిపై బీఆర్‌ఎస్ వర్కింగ్ ప్రెసిడెంట్ కేటీఆర్ ఆగ్రహం వ్యక్తం చేశారు. రామప్ప ఆలయం, రామప్ప చెరువు చారిత్రక, పర్యావరణ ప్రాధాన్యత కలిగినవని, వాటికి ముప్పు కలిగించే గని ప్రతిపాదనను ప్రభుత్వం వెనక్కి తీసుకోవాలని ఆయన డిమాండ్ చేశారు. రామప్ప ఆలయం యునెస్కో ప్రపంచ వారసత్వ ప్రదేశంగా గుర్తింపు పొందిన నేపథ్యంలో దాని పరిరక్షణకు అత్యంత ప్రాధాన్యత ఇవ్వాలని పేర్కొన్నారు.

ఓపెన్‌కాస్ట్ గని కారణంగా రామప్ప చెరువు, భూగర్భ జలాలు, ఆలయ నిర్మాణంపై ప్రభావం పడే అవకాశం ఉందన్న ఆందోళనలు వ్యక్తమవుతున్నాయి. ఆలయానికి లేదా చారిత్రక వారసత్వ కట్టడాలకు ఎలాంటి హాని జరిగినా పెద్ద ఎత్తున ఉద్యమం చేపడతామని కేటీఆర్ హెచ్చరించారు. వారసత్వ సంపదను కాపాడేందుకు ప్రభుత్వం తగిన చర్యలు తీసుకోవాలని ఆయన కోరారు.