రాజమౌళి, సుకుమార్.. చందూకు ఆ ఛాన్స్ ఉందా?

‘కార్తికేయ 2’ సినిమాతో ఉత్తరాదిలోనూ గుర్తింపు తెచ్చుకున్న చందూ మొండేటి.. ‘తండేల్’తో తన దర్శకత్వ పరిధిని మరింత విస్తరించారు. భారీ స్థాయిలో కథలను తెరకెక్కించే దర్శకుడిగా తనపై ఉన్న నమ్మకాన్ని పెంచుకున్నారు. ఇప్పుడు రానా, అక్షయ్ కుమార్ కలయికలో రూపొందనున్న సినిమా, ‘మహాకాల్’ వంటి పెద్ద ప్రాజెక్టులతో జాతీయ స్థాయిలో తన ప్రయాణాన్ని కొనసాగిస్తున్నారు.

వరుసగా మరో రెండు బలమైన చిత్రాలు విజయవంతమైతే చందూ మొండేటికి దేశవ్యాప్తంగా ప్రత్యేక గుర్తింపు వచ్చే అవకాశంపై సినీ వర్గాల్లో చర్చ జరుగుతోంది. రాజమౌళి, సుకుమార్ వంటి దర్శకులు తెలుగు సినిమాను దాటి జాతీయ స్థాయిలో తమకంటూ ప్రత్యేక బ్రాండ్‌ను నిర్మించుకున్నారు. అదే తరహాలో చందూ కూడా పెద్ద కథలు, భారీ నిర్మాణ విలువలతో ముందుకు వెళ్తున్నారు. ఆయన చేతిలో ఉన్న ప్రాజెక్టులు ఎలాంటి ఫలితాలను అందుకుంటాయనేది ఇప్పుడు ఆసక్తికరంగా మారింది. ముఖ్యంగా పాన్ ఇండియా స్థాయిలో ఆయన తదుపరి అడుగులు ఎలా ఉంటాయో చూడాలి.