వచ్చే నెలలో ‘ఫౌజీ’ టీజర్.. రిలీజ్ డేట్ కూడా అప్పుడేనా?

పాన్ ఇండియా స్టార్ ప్రభాస్ హీరోగా, హను రాఘవపూడి దర్శకత్వంలో తెరకెక్కుతున్న ప్రతిష్టాత్మక పీరియాడిక్ యాక్షన్ డ్రామా ఫౌజీపై ప్రేక్షకుల్లో భారీ అంచనాలు నెలకొన్నాయి. మైత్రీ మూవీ మేకర్స్ నిర్మిస్తున్న ఈ చిత్రానికి సంబంధించి ఫస్ట్ లుక్ తర్వాత ఎలాంటి ప్రధాన అప్‌డేట్ రాకపోవడంతో అభిమానులు ఆసక్తిగా ఎదురుచూస్తున్నారు. అయితే మేకర్స్ మాత్రం చిత్రీకరణ పనులను నిశ్శబ్దంగా పూర్తి చేసే పనిలో ఉన్నారు.

తాజా సమాచారం ప్రకారం ప్రభాస్ ప్రస్తుతం ఫౌజీ చిత్రంపై ప్రత్యేక దృష్టి సారించినట్లు తెలుస్తోంది. వచ్చే నెలలో టీజర్‌ను విడుదల చేసి, అదే సమయంలో అధికారిక రిలీజ్ డేట్‌ను ప్రకటించే అవకాశం ఉందని సినీ వర్గాలు చెబుతున్నాయి. మొదట దసరా విడుదలపై వార్తలు వినిపించినప్పటికీ, ప్రస్తుతం డిసెంబర్‌లో భారీ స్థాయిలో సినిమాను విడుదల చేయాలని మేకర్స్ ప్రణాళికలు సిద్ధం చేస్తున్నట్లు సమాచారం. ఈ చిత్రంలో ఇమాన్వి హీరోయిన్‌గా నటిస్తుండగా, విశాల్ చంద్రశేఖర్ సంగీతం అందిస్తున్నారు.