‘కాంచన-4’లో లేడీ సూపర్ స్టార్ ఎంట్రీ?

లేడీ సూపర్ స్టార్ నయనతార మరోసారి వార్తల్లో నిలిచారు. రాఘవ లారెన్స్ దర్శకత్వంలో తెరకెక్కుతున్న హారర్ కామెడీ చిత్రం ‘కాంచన-4’లో ఆమె కీలక పాత్ర కోసం మేకర్స్ సంప్రదించినట్లు సమాచారం. సూపర్ హిట్ ‘ముని’ ఫ్రాంచైజీకి కొనసాగింపుగా వస్తున్న ఈ సినిమాలో నయనతార పాత్ర కథకు మలుపు తిప్పే విధంగా ఉంటుందని టాక్ వినిపిస్తోంది.

పాత్రలో ఉన్న వైవిధ్యం నచ్చడంతో నయనతార కూడా గ్రీన్ సిగ్నల్ ఇచ్చినట్లు రూమర్స్ వైరల్ అవుతున్నాయి. అయితే దీనిపై అధికారిక ప్రకటన ఇంకా రావాల్సి ఉంది. ఇప్పటికే పూజా హెగ్డే, నోరా ఫతేహి వంటి స్టార్స్ నటిస్తున్న ఈ ప్రాజెక్ట్‌లో నయనతార ఎంట్రీ జరిగితే సినిమాపై అంచనాలు మరింత పెరగడం ఖాయం.