మోక్షజ్ఞ టాలీవుడ్‌ ఎంట్రీ ఖాయమేనా?

నందమూరి బాలకృష్ణ తనయుడు నందమూరి మోక్షజ్ఞ టాలీవుడ్‌ ఎంట్రీపై ఆసక్తికరమైన ప్రచారం జరుగుతోంది. దర్శకుడు వశిష్ఠ దర్శకత్వంలో మోక్షజ్ఞ కథానాయకుడిగా సినిమా తెరకెక్కనున్నట్లు సినీ వర్గాల్లో టాక్‌ వినిపిస్తోంది. ఈ చిత్రానికి కథ సిద్ధమైనట్లు, దసరా సందర్భంగా ప్రాజెక్ట్‌ను లాంఛనంగా ప్రారంభించే అవకాశమున్నట్లు సమాచారం. అయితే దీనిపై మేకర్స్‌ నుంచి ఇప్పటివరకు అధికారిక ప్రకటన వెలువడలేదు.

ఇటీవల బాలకృష్ణకు గాయం కావడం, అనంతరం ఆయన శస్త్రచికిత్స చేయించుకోవడంతో సినిమా ప్రకటన ఆలస్యమైనట్లు పరిశ్రమ వర్గాల్లో చర్చ జరుగుతోంది. ఈ పరిణామాలు లేకపోయి ఉంటే ఇప్పటికే ప్రాజెక్ట్‌పై అధికారిక ప్రకటన వచ్చి ఉండేదనే టాక్‌ వినిపిస్తోంది. మోక్షజ్ఞ సినీ ఎంట్రీ కోసం నందమూరి అభిమానులు ఆసక్తిగా ఎదురుచూస్తున్న నేపథ్యంలో వశిష్ఠ దర్శకత్వం వహించనున్నారనే వార్త మరింత ఆసక్తిని పెంచుతోంది.